میلوني په پارلمان کې د ټرمپ او نتانیاهو پر دریځ نیوکه وکړه

د ایټالیا لومړۍ وزیرې، جورجیا میلوني، په پارلمان کې د امریکا د ولسمشر ډونالډ ټرمپ او د اسرائیلو د صدراعظم بنیامین نتانیاهو پر دریځونو نیوکه کړې ده.

د راپورونو له مخې، ټرمپ ویلي وو چې د اسرائیلو له خوا پر لبنان بریدونه به د اوربند سرغړونه ونه ګڼل شي.

خو میلوني په خپل دریځ کې ټینګار کړی چې:

“پر لبنان هر ډول برید باید سمدستي ودرول شي، او دا ډول کړنې د تاوتریخوالي د زیاتېدو نښه ده او د اوربند ښکاره سرغړونه بلل کېږي.”

نوموړې زیاته کړې چې دا ډول اقدامات کولی شي وضعیت لا پسې خراب کړي.

📌 دا څرګندونې په داسې حال کې کېږي چې د سیمې امنیتي وضعیت ډېر حساس پړاو ته رسېدلی دی