په هلمند ولایت کې د شاوخوا ۴۹ میلیونه افغانیو په لګښت دوه نوي روغتیايي مرکزونه پرانیستل شول او رسماً د خلکو خدمت ته وسپارل شول.
د مسؤلینو په وینا، دغه مرکزونه د د کډوالو عالي کمېشنري په مالي ملاتړ د لښکرګاه او نهرسراج ولسوالیو کې جوړ شوي دي، چې موخه یې د روغتیايي اسانتیاوو پراخول او خلکو ته پر وخت خدمات رسول دي.
د هلمند د عامې روغتیا رئیس ډاکټر نقیبالله فاتح ویلي، د دغو مرکزونو په فعالېدو سره به زرګونه کورنۍ روغتیايي خدمتونو ته اسانه لاسرسی پیدا کړي .
نوموړي ټینګار کړی چې د عامې روغتیا وزارت هڅه کوي څو په لرې پرتو سیمو کې هم معیاري روغتیايي خدمات ورسوي او د روغتیايي مرکزونو شمېر زیات کړي.
همدارنګه، ځایي اوسېدونکو د دغو روغتیايي مرکزونو پر جوړېدو خوښي څرګنده کړې او ویلي یې دي چې پخوا به د درملنې لپاره لیرې سیمو ته تګ ته اړ وو.
اوس تمه کېږي چې د دغو مرکزونو په فعالېدو سره به د مور او ماشوم روغتیا ته ځانګړې پاملرنه وشي او بیړني ناروغان به پر وخت درملنه ترلاسه کړي.

Discover more from sharq news global
Subscribe to get the latest posts sent to your email.

