چهارشنبه، د اپرېل ۲۲، ۲۰۲۶
افغانستان – کونړ
د Kunar Province په لرو پرتو سیمو کې بزګران د اصلاح شویو تخمونو او کیمیاوي سرو د نه شتون له امله له جدي ستونزو سره مخ دي.
کونړ چې یو کرنیز ولایت دی، ډېری اوسېدونکي یې په کرنه بوخت دي او د همدې لارې د خپلو کورنیو اړتیاوې پوره کوي، خو بزګران وايي چې لازمې اسانتیاوې ورته پر وخت نه رسېږي.
د Ghazni Abad District د کاڅه ګل درې بزګران شکایت کوي چې د اصلاح شویو تخمونو او کیمیاوي سرو د نشتون له امله یې فصلونه د حاصل تر رسېدو مخکې له ناروغیو سره مخ کېږي او له منځه ځي.
ځايي بزګران، صبغت الله او حبیب الله وایي:
«مونږ محدودې کرنیزې ځمکې لرو، خو د ناسمو تخمونو او د سرو د کمښت له امله حاصل نه راکوي. که پر وخت مرسته ونه شي، زموږ ژوند به لا سخت شي.»
د کونړ د کرنې ریاست چارواکي هم دغه ستونزې مني او وایي چې د یو شمېر مرستندویه ادارو سره خبرې روانې دي، څو بزګرانو ته لازمې اسانتیاوې برابرې شي.
د کرنې رئیس، مولوي محمد سرور، وايي:
«موږ په هره ولسوالۍ کې استازي لرو چې د بزګرانو ستونزې راټولې کړي او د حل لارې ورته ولټوو.»
کارپوهان وایي که بزګرانو ته پر وخت اصلاح شوي تخمونه او کیمیاوي سرې ورکړل شي، کونړ کولای شي د غلې دانې په تولید کې ځان بسیا شي.
✍️ خبریال: پرویز څرګند
