د افغانستان د ټولګټو چارو وزارت وایي په تېره اوونۍ کې یعنې د ثور له ۴مې نېټې څخه تر ۱۰مې نېټې پورې د اوسپنې پټلۍ له لارې ۲۲۹۵۳۶ مټریک ټنه انتقالات شوي دي.
ددغه وزارت ویاند محمد اشرف حق شناس رسنیو ته ویلي د حیرتان بندر له لارې ۱۵۸۱۳۳ټنه، د آقینې بندر له لارې ۲۱۷۹۷ټنه، د تورغونډۍ بندر له لارې ۱۹۱۹۵ ټنه او د خواف هرات له لارې ۳۰۴۱۱ ټنه انتقالات ترسره شوي، چې ټولټال ۲۲۹۵۳۶ ټنه نفتي، غیر نفتي او نور مواد دي، هېواد ته وارد او صادر شوي.
حق شناس وایي د انتقالاتو له ډلې یوه برخه صادرات دي، په تیره اوونۍ کې (۲۶۴) ټنه دانارجوس صادر شوي.
ویاند وایي ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي او د ملي عوايدو د زياتوالي په موخه د ريل پټلۍ له لارې د سوداګریزو توکو د لیږد-رالیږد بهیر روان او چټک وساتي.
سرچینه زیاتوي هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.

Discover more from sharq news global
Subscribe to get the latest posts sent to your email.

