ننګرهار ته د ریاست لوزراء د ادارې مرستیال مولوي عبدالسلام حنفي په مشرۍ پلاوي د کور او ښارجوړونې وزیر يې هم ملتیا کوله له سفر وروسته د راستنیدونکو لپاره د نمرو د وېش لړۍ کې اسانتياوي رامنځته او دغه پروسه د دغه ورازت د دایمي مېشتېدنې کميټې د مسوولینو په وینا چټکه شوې او د جمعې د ورځې په ګډون يې په تېرو دريو ورځو کې په دولس سوه اوه ديرش کورنیو نمرۍ ويشلي دي.
سره رود کې ۱۰۰۶ جریبه ، خوږياڼو ولسوالۍ کې پنځه سوه او په روداتو ولسوالۍ کې اتلس زره نهه سوه نهه اتیا جریبه ځمکه د راستنیدونکو لپاره ځانګړې شوې چې تر دې دمه په کې ټوټال دوه زره شپږ سوه پنځه نمرې وېشل شوي دي
له پاکستان په جبر راستانه شوي د حکومت د دغه اقدام هرکلی کوي او زیاتوي چې په دې سره به يې ډيرې ستونزې حل شي.
دلته بیا د دايمي مېشتېدنې د نمرو د اسنادو د ترلاسه کولو په موخه راغلي راستانه شوې وايي پاکستان کې ځوریدلي او دلته يې هم د استوګنې لپاره مناسب ځايونه نلري
دوي له حکومته غواړي چې د راستانه شویو لپاره دې دغه پروسه لا چټکه او اسانتیاوي ورته برابرې کړي.
دا په داسې حال کې چې د ننګرهار کډوالو ریاست د مسوولینو پر وینا د تورخم له لارې د راستنیدونکو کډوالو کورنۍ هم تر پخوا زیاتي شوي او په ورځ کې له زرو نیولي تر درې زر کورنۍ هیواد ته راسنیږي
د کډوالو رييس وايي راستانه شویو لپاره د بهسود د خانکي سیمه کې د نمرو د وېشل لړۍ پیل شوې او هره ورځ په راستانه شویو کورنيو باندې له اته سوه نیولي تر یو نیم زر نمرې ويشل کیږي
د يادونې ده چې د کور او ښار جوړونې وزارت په يوې خپره شوې خبرپاڼه کې ویلي راستانه شویو ته د نمرو د ويش په موخه ځانګړو شویو ښارګوټو کې به اوبو برښنا ، سړکونو ، ښوونځيواو روغتيايي مرکزونو د جوړولو چارې هم په تدریجې ډول پيل کړي
وزرات همدراز ويلي چې دغه پروژې به نه يواځي د راستانه شو ستونزې راکمې کړي بلکي په سیمه کې به اقتصادي فعالیتونه هم وغړویږي او کاري فرصتونه به رامنځته شي

Discover more from sharq news global
Subscribe to get the latest posts sent to your email.

