د اسلامي امارت د مرستیال ویاند، ملا حمدالله فطرت په وینا، د دوشنبې په ورځ له ایران او پاکستان څخه ۳۷۵ کډوالې کورنۍ، چې ۱۸۵۵ غړي یې لرل، هېواد ته راستنې شوې. د تورخم، سپین بولدک، ورېښمو پُل او اسلام کلا له لارو راستنو شویو کورنیو ته د ترانسپورټ، مالي مرستو او ثبت اسانتیاوې برابرې شوې.
نوموړي ویلي، راستنېدونکو ته د عامه پوهاوي خدمات هم وړاندې شوي او د مهاجرینو د دایمي مېشتېدنې کمېټې له لوري په ننګرهار، فاریاب، فراه او هلمند ولایتونو کې ۱۲۴۱ کورنیو ته د استوګنې ځمکې وېشل شوې دي. د وېشل شوو ځمکو ټولیز شمېر تر اوسه ۳۶ زره او ۹۶۰ نمرو ته رسېدلی دی.

Discover more from sharq news global
Subscribe to get the latest posts sent to your email.

