xr:d:DAFgV01wMpg:293,j:46214442591,t:23050110
د افغانستان د ټولګټو چارو وزارت وایي د همدې روان کال د حمل میاشتې له شروع تر پایه د اوسپنې پټلۍ له لارې ۸۷۳۹۸۱ مټریک ټنه انتقالات شوي دي
ددغه وزارت ویاند محمد اشرف حق شناس په یوه خپره کړې خبرپاڼه کې ویلي یاده موده کې د حیرتان بندر له لارې ۵۷۷۹۸۹ ټنه، د آقینې بندر له لارې ۸۲۹۵۲ ټنه، د تورغونډۍ بندر له لارې ۱۰۱۱۹۲ ټنه او د خواف هرات ۱۱۱۸۴۸ له لارې ټنه انتقالات شوي، چې ټولټال ۸۷۳۹۸۱ ټنه نفتي، غیر نفتي او نور مواد دي، هېواد ته وارد او صادر شوي
ویاند لیکلي د انتقالاتو له ډلې یوه برخه صادرات دي په حمل مياشت کې ۹۲۷۵ټنه صادرات شوي ،چې لویه برخه وچه میوه او دانارجوس دي.
د وزارت د ویاند په وینادټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې رامنځ ته کړي.
حق شناس زیاته کړې هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.

Discover more from sharq news global
Subscribe to get the latest posts sent to your email.

